Þorrablótsfréttir

Já Herdís mín núna skal ég segja frá Þorrablótinu. Veit bara ekki alveg hvar ég á að byrja

Við skulum bara byrja á nokkrum staðreyndum. Þorrablót er náttúrulega ekkert annað en árshátíð með svona smá útilegustemningu og ....ja .....örlítið meira áfengi. Þegar ég segi útilegustemningu er ég ekki að meina við höfum haft tjaldi með okkur og tjaldað frammi á Rauða Torgi, eða uppi á sviði eða eitthvað svoleiðis, en mér datt í hug þegar við vorum búin að pakka matnum niður og komin út í bíl að við værum einmitt á leiðinni í útilegu og þar að auki var mamma búin að vera elda og vesenast í að pakka niður mat mest allann daginn, eins og hún gerir þegar við förum í útilegur.

Undir dansi spilaði svo hin sívinæla Danshljómsveit Friðjóns (sú sama og var á ballinu sem við fórum á í haust), með aðal hittarann "Þá stundi Mundi" og allir voru að skemmta sér alveg konunglega og ég þar á meðal (ég vil kenna áfenginu um, það er almennu hungri (hver borðar yfir sig af svona þorramat??))(úff ég er bara verða eins og Krugerinn)

Carnaval, eða eitthvað svoleiðis :)

Jæja þá er Þorrablótið á morgun. Og með allri familíunni þar að auki. Og á hótelinu, ætli ég ætti að prófa að fara inn um annann inngang, kannski breytist þetta ef ég skríð inn einhverstaðar í kjallaranum????? ég er ekkert voða spennt fyrir þessu þorrablóti, það hlýtur að boða gott. er það ekki?

Ég mótmæli!

Sko, það er nóg komið af snjó hérna! Sumstaðar eru tveggja metra ruðningar og skaflar hér í bænum og enn er verið að spá snjókomu, það var reyndar bara eitt snjókorn (og mér sýndist það reyndar falla á Þeistareykjum) en þessar veðurfréttir ljúga alltaf, það þýðir nú lítið að segja mér að það komi bara eitt snjókorn í viðbót. !!!!!!!!!!!!!!!!!! Við erum að kafna í snjó hérna, snjór uppá miðja glugga, reyndar sér Helgi ekkert út um sinn glugga (en það skiptir kannski minnstu máli, því ég veit ekki til þess að hann hafi nokkurn tíma dregið frá honum svo.......................) Það liggur við að þegar maður fer niður í bæ á bíl þurfi maður að stoppa bílinn á hverjum einustu gatnamótum, smegja sér út og kíkja fyrir hornið á ruðningnum til þess að athuga hvort óhætt sé að halda áfram, síðan eru þeir þarna hjá bænum svo lengi að átta sig á því að það eru líka til fólk sem labbar, svo það líða alltaf svona 2-3 daga þar til þeir fara með snjóblásarann á stéttarnar !!!!!!!!!!!!!!!!! Það er greinilegt að ég er ekki feig, því ég er alla vegana ekki enn dottin fyrir bíl sem strýkst upp við mig um leið og hann keyrir framhjá mér 40 kílómetra hraða og ég hringsnýst eins og skopparakringla í leiðinni. Jón Örvar er líka 2var búinn að reyna að drepa mig á gröfunni. Einu sinni var ég að labba í vinnunna kl 9 að morgni til, þá kemur Jón Örvar bakkandi á gröfunni, á fyrrnefndum 40 km hraða og stefnir í áttina að mér, ég átti bara fótum fjör að launa Og í hitt skiptið var hann búinn að króa mig af.......ég veit þetta var hann því enginn annar sem keyrir gröfu er líklegur til að reyna að drepa mig svona oft.

Hvernig kaupir þú ostinn þinn?

-Gleðilegt árið.
Ég fór á áramótaball á gamlárskvöld, djöfull var ógeðslega leiðinlegt! Ég verð að muna það að þegar ég er ekki í stuði og langar mest heim að sofa, þá er það nákvæmlega það sem ég á að gera, punktur og basta, ja og hvað sem ég geri ekki fara á ball á hótelinu, mér finnst það leiðinlegt, það hellast bara yfir mig þessi ólýsanlegu leiðindi um leið og ég labba þarna inn. Og ekki bætti úr skák að ég var edrú og allir hinir fullir og í góðu skapi, sennilega eftir sprengingar kvöldsins.
Annars sá ég stelpu í jólaskónum mínum, ekki það að hún hefði stolið þeim, heldur voru þetta skórnir sem mig er búið að langa í síðan í september en hef ekki alveg haft afsökun til að kaupa, þar sem þeir eru lágir, sléttbotna með smá hælstubbum og hvítu ísaumuðu mynsti. (-ekki beint mikið notagildi í svoleiðis skóm þegar maður er að vaða snjóskaflana) og kostuðu 8000kr, gott að það eru að byrja útsölur bráðum.

Síðan ég flutti heim í sumar hef ég verið að taka eftir svotlu í fari húsvískra "karlmanna", svotlu sem ég vil kalla Stórkalla stæla, reyndar veit ég ekki hvort þetta er einskorðað við Húsavík, en það er pirrandi. Þessir Stórkalla stælar virðast herja á karlpening(sbr.búpeningur) á aldrinum 16-25 ára og lýsir sér þannig að sjúklingar rökræða um hluti sem hvorugur hefur hundsvit á, en báðir þykjast vita betur, mjög pirrandi kvilli.
Til dæmis get ég nefnt samræður sem ég varð vitni að. Samræður þessar snérust um hvort hagstæðara væri að kaupa ost í sneiðum eða svona stykkjum, eins og flestir íslendingar gera. (Ég verð að viðurkenna að þetta málefni heldur ekki fyrir mér vöku á nóttunni, en..........) Annar vildi meina að til lengri tíma litið væri hagstæðara að kaupa sneiðar, því það færi svo mikið til spillis af stykkjunum, hinn sagði þá að sneiðarnar væru svo dýrar að það borgaði sig að skera niður ostinn sjálfur. Þá nefndi sá fyrri Bandaríkin og það var u.þ.b. þarna sem mín hætti að hlusta(það er nefnilega allt SVO gáfulegt sem kemur frá Bandaríkjunum), búin að draga sínar eigin ályktanir, hverjum er svo sem ekki sama hvernig fólk kaupir ostinn sinn, þetta er þrátt fyrir allt persónuleg val og málefnið kannski ekki þess virði að rífast um.

Jæja þá er árið búið

ja eða svona næstum því, einir átta tímar eftir.
Ég hef mikið verið að pæla í því hvort ég eigi að gera árið upp á þessu bloggi. Ég verð bara að viðurkenna að ég veit bara alveg hvar ég á að byrja. Ég get ekki gert upp við mig hvert skemmtilegasta atvikið á þessu ári var, annars var rosa gaman þegar Jóna kom til mín til Valencia, sérstaklega fyrsta kvöldið þegar við fórum bara 2 saman á djammið, það var ekki alveg jafn gaman að vakna daginn eftir. En síðan var líka rosa gaman að fara til Reykjavíkur í nóvember, verst að sumir skyldu þurfa lögreglufylgd til að komast heim, og þá er ég EKKI að tala um sjálfa mig. (Vona bara að betur fari þegar ég kem í febrúar)
Neyðarlegasta atvikið var óumdeilanlega þegar 2 franskar stúlkur stóðu upp á veitingastað og betluðu brauð af næsta borði (þetta með glóðaraugað og gítarinn var í fyrra)
Ef ég hefði farið á harmonikkutónleika þá hefði það verið það allra leiðinlegasta sem ég hefði lent í árinu, en ætli ég verði ekki að láta tímana í Dialectologia nægja.
En afrek ársins er örugglega að koma jólakortinu til Guðnýjar Ster í fyrradag, vona bara að hún finni það einhverntímann.

Gleðileg jól

Gleðileg jól frá mér til ykkar.

Ps. ég held ég vinni mér það ekki til lífs að skríða hérna útúr þessum snjóskafli og færa fólki jólakortin í dag, sjáum til á morgunn

Ekki á morgunn, heldur hinn.

Já nú má svo sannarlega segja að við séum snjóuð í kaf hérna á Húsavíkinni og ótrúlegt má virðast að fyrir einungis sólarhring höfum við Jóna verið á rúntinum og ekki þurft að hægja á við hver einustu gatnamót til að sjá hvort einhver sé að koma. Já ruðningarnir eru orðnir svo háir að ég (meðalmanneskjan :)) sé ekki yfir með góðu móti.
Ég verð eiginlega að viðurkenna að ég varð svolítið hissa þegar ég sá allann þennann snjó í morgunn, c.a. 1 meter af jafnföllnum, og mér datt einna helst í hug að ég hefði sofið eitthvað lengur en bara eina nótt.

En það er svona einna helst í fréttum að ég er að falla á tíma í jólagjafainnkaupunum, á 2 eftir og ég var að tala við Barböru í síma áðan, (Barböru sem ég bjó með í Valencia) og jú hún Hilda frænka mín er búin að vera marga daga á landinu og ég hef ekkert séð hana, ég er eiginlega farin að skammast mín svoltið mikið, ég er bara búin að vera svo voða upptekin og veðurteppt í kvöld.

Hæ hæ aftur

Ein bara dugleg að blogga? hugsiði sjáfsagt með ykkur þegar þið lesið þessi orð. já internetið er sko komið í lag og ég bara í svona frábæru skapi....... þetta er nefnilega ekkert lítið skemmtilegur dagur, búin að fara í jólagjafainnkaupin, senda fullt af jólakortum, ég var líka ekkert smá stollt af sjálfri mér í gærkveldi að hafa rumpað þessum jólakortum af, held ég eigi samt einhver eftir, annars held ég að það sé nú varla alvarlegt, en jæja.....
Samt verð ég eiginlega að viðurkenna að ég keypti eiginlega stærðstu jólagjöfina handa sjálfri mér, ég er samt að hugsa um að pakka henni inn og skrifa bara "Til:Svanlaugar, Frá:Grílu" Ég keypti nefnilega svona Krullusléttitæki, og ekki vanþörf á!

Úpps!!Ég held ég hafi verið að komast að því hvert uppáhaldslagið mitt sé, allavegana þessa dagana............skrýtið, ég verð að viðurkenna að þetta kom mér á óvart, það er muse lag, ég hef ekki hlustað á muse lengi og satt að segja verð ég að viðurkenna að muse minnir mig alltaf á fyrrverandi bekkjarfélaga minn sem gekk oft og yðurlega(er'etta annars ekki skrifað með uffsiloni) í bol merktum muse. Ég vona að þetta ástfóstur mitt standi engan vegin í tengslum við þennann bekkjarfélaga.............