En la ciudad

Ég á ekki orð....

2008-09-01T20:25:00.002Z

valið stendur á milli fótboltaleiks og tónleika með Beonce, eða hvað hún heitir, í sjónvarpinu... Ég get ekki beðið eftir því að vetrardagskráin byrji.

Blancanieves

2008-08-16T20:52:00.004Z

Mjallhvít og dvergarnir sjö voru algengt garðskraut í Jaca, enda fjallaþorp.

Þá er sumarfríið búið

2008-08-14T22:45:00.005Z

Jæja já þá er sumarfríið búið og ég byrjuð að vinna aftur. Ég kom heim á síðasta fimmtudag og eyddi síðan 5 klst í að fara yfir verkefni í fjarnáminu...og fór síðan daginn eftir í að prófa fólkið.

Myndirnar eru útsýnið út um gluggan á húsinu þar sem ég gisti á námskeiðinu í Jaca. Ég hef aldrei áður séð kanínu bundna úti í garði. En þið?

Ísbjörn!!

2008-06-29T01:15:00.004Z

Hversu vinsæl yrði ég ef ég hringdi í lögguna og segðist hafa séð heilu hjarðirnar af ísbjörnum meðfram þjóðveginum á leiðinni suður? :)

-"Ég held að þetta sé ekki vegurinn til Reykjavíkur."

2008-06-05T19:45:00.003Z

Í fyrrasumar þegar Aude vinkona mín var í heimsókn, þá kom ég við í Hveragerði og gaf henni ís í Eden. Er ekki skylda að koma við þar þegar maður fer um Hveragerði?

Nú, þegar við vorum búnar að borða ísinn þá ákvað ég að fara með hana svolítinn rúnt um Hveragerði sem endaði uppi við golfvöll, þar sem þessir hverir hafa myndast eftir jarðskálftana.
Mér hefur nokkuð orðið hugsað til þessarar ferðar með bros á vör þegar minnst hefur verið á þetta svæði, því þarna kom einmitt einn gullmolinn uppúr henni Aude þarsem við þræddum einbreiðann malarveginn.....-" Svanlaug, ég held að þetta sé ekki vegurinn til Reykjavíkur."

Alveg að verða búin að plana sumarfríið :)

2008-06-05T11:41:00.002Z

Jæja þá er þetta alveg að komast á hreint. Ég er að fara til Spánar 5. júlí, það var reyndar löngu vitað. Og verð á námskeiði í 2 vikur, rétt hjá Zaragoza, þar sem myndin er tekin. Síðan ætlar Aude að koma og vera með mér í viku á N-Spáni. Þann 1. ágúst ætla ég að hitta foreldra mína og bræður í Salou og dandalast með þeim í viku og síðan fer ég heim þann 8. ágúst og þá verður nú stutt þar til skólinn byrjar aftur.

ÉG STÓÐST EKKI MÁTIÐ

2008-06-03T13:11:00.000Z

"Orðblendingar"
Av misgáum, ella kanska eisini fákunnu, kemur tað stundum fyri, at nýggj "orð" gjørd úr pørtum av øðrum orðum, stinga seg upp. Tað var ikki sørt, at tú hevði hug at hvøkka við, tá ið hetta hoyrdist í eini sending: "tað er ikki nakað, vit kunnu "útrika"". Helst mundi lesarin vera mismæltur, men løtu seinni var sama "orð" aftur at hoyra. Hetta er eyðkendur "orðblendingur". Fyrri partur man vera fingin framman av orðinum útinna ella útrætta og seinni partur aftan av orðinum avrika. Vit noyðast javnan at gera nýggj orð, har ið eingi eru fyri, men ongar áneyðir skuldu verið at gjørt orð, tá ið nóg góð orð eru til. Ivaleyst man hetta hava verið mistak hjá høvundinum, men tað átti so ikki at sloppið ígjøgnum málsliga eftirlit teirra, ið skipa fyri sendingunum.

Undarleg mannanöfn í Færeyjum

2008-05-31T02:01:00.002Z

Svanleyg....nafnið mitt á færeysku
Barba.....eitthvað skyld Barbapabba?
Eyðleyg...lögð í eyði? eyðilögð?
Femja...eins og fremja...
Giljanna... til giljanna minna
Gurli...wurly?
Gylta...Hvað ætli gylta sé á færeysku? Hef grun um að Gylta hafi eitthvað með gull að gera sbr. að gylla
Leyvoy...Ley á spænsku eru lög...voy er fyrsta pers. et. af Ir (að fara)
Lísbita...Lúsabit???
Lý...blý?
Píl...písl?
Pólína...kannski bara frænka mín???
Reiðunn...kannski alltaf reið?
Tabita...systir Gullintanna og Smjörbita?
Ulla...Ulla!

Ég fæ alltaf kast þegar ég les færeysku.

2008-05-30T00:00:00.001Z

Íslendsk nøvn
Fáir íslendingar hava ættarnavn ella eftirnavn. Flestir eru "kendir við faðir sín", eyðkendir við faðirsnavninum í hvørsfalli + -son/-dóttir. Íslendski uttanríkisráðharrin Steingrímur Hermannsson eitur Steingrímur og er Hermannsson, t.e. faðir hansara eitur Hermann. Einasta navn hansara er so statt Steingrímur, hitt er til eyðkennis. Tí er tað ikki góður siður at nevna hann ''Hermannsson", men væl ber til bert at siga Steingrímur, eftir at hann fyrst er kunnaður sum Steingrímur Hermannsson.

"MANGLA"
"Vit mangla fólk…" stóð í eini lýsing. Hetta óføroyska orð er javnan at síggja og hoyra. Hví nýta hetta orð altíð og stund, tá ið vit eiga góð føroysk orð við somu merking, sum t.d. vanta, tróta, skorta og ivaleyst onnur við. "Okkum vantar fólk…" hevði ljóðað ólíka betur. At mangla er at slætta klæði við manglifjøl.

Fengið að láni hjá: http://www.fmn.fo/ordafar/ordafar.htm

Vinur hennar Hrefnu kominn aftur....

2008-05-28T22:33:00.004Z

Ég komst að því fyrir nokkru að það var ekki strákurinn af efstu hæðinni sem ég hjálpaði upp úr snjó"skafli" hérna fyrr í vetur...Núna veit ég bara ekkert hverjum ég hjálpaði....bara einhverjum snoðuðum 17. ára strák....

Ég hafði nefnilega bara séð þennann á efstu hæðinni einu sinni...það var í ágúst þegar ég var að skila sameigninni af mér í fyrsta skipti, þá kom þessi til dyranna og var einhver svakaleg 5 ára gella með honum, þannig að ég gerði ráð fyrir að hann væri bara 5 ára líka...

Síðan birtist þessi maður hér í stigaganginum fyrir mánuði síðan.....og fór að heilsa mér!!!! Og auðvitað verður mér alltaf hugsað til Hrefnu.

-Hvernig hljómar íslenska fyrir útlendingum?

2008-05-01T23:02:00.003Z

Þegar ég var búin að vera u.þ.b. 5 mánuði í Hondúras, þá varð ég þess "heiðurs" aðnjótandi að komast einmitt að því hvernig íslenska hljómar fyrir útlendingum. Þannig voru mál með vextu að ég var eini íslendingurinn í Hondúras, sem ég vissi um, á þessum tíma og þar af leiðandi talaði ég ekki íslensku mjög oft, nema við mömmu sem hringdi 1 sinni í mánuði, og þá var það sko erfitt.

Ég vissi að þeir væru að koma, íslensku strákarnir 3, og var ég svolítið farin að kvíða fyrir að þurfa að fara tala íslensku, því ég var alveg handviss um að ég væri hætt að geta það. Ekkert mál að tala spænsku eða ensku...en ekki íslensku.

Ég mun aldrei gleyma því þegar ég gekk inn á svæðið sem við áttum að vera á á þessum AUS-hittingi, búin að sitja í skelfilegum, eldgömlum, amerískum Schoolbus með hænum, kanínum og ég veit ekki hverju fleira úr dýraríkinu. Já, ég gekk inn á svæðið og heyri þar sem þrír strákar eru að tala eitthvað svakalegt tungumál sem líktist einna helst rússnesku, 10 sekúndum seinna geri ég mér grein fyrir því að ég skil allt sem þeir segja og 5 sekúndum seinna geri ég mér grein fyrir því að þeir eru að tala ÍSLENSKU!
Ég var allt kvöldið að safna í mig kjarki til að reyna að tala við þá. Fyrstu setningarnar mínar á íslensku voru víst samsettar úr íslenskum orðum og spænskum sögnum með íslenskum beygingareindingum. Það má eiginlega deca að þetta kvöld hubiera ég hablað spíslensku.

2008-04-24T22:32:00.005Z

-Myndir þú fara þangað í sumarfrí?

Babelfish í ruglinu?

2008-04-22T01:04:00.002Z

Svona þýðir hann greyið:

Nine months are needed so that a boy is born but a second is enough so that a man dies. A minute it was sufficient to change my life. The minute in which it sounded to the telephone and the distant voice of Jean Charles I embark to me in a search in which it would finish losing to me.

Jean Charles had been my better friend. They were other times, and expressions as "better friend" not only had sense, but that they were used frequently.

Það tekur barn níu mánuði að fæðast en það tekur mann bara eina sekúndu að deyja. Ein mínúta var nóg til að breyta lífi mínu. Mínútan þegar síminn hringdi og fjarlæg rödd Jean Charles ýtti mér út í leit sem ég endaði á að týna mér í.

Jean Charles hafði verið besti vinur minn. Þá voru aðrir tímar og orðatiltæki eins og "besti vinur" höfðu ekki einungis þýðingu heldur voru þau oft notuð.

Svona af því að ég er að fara til Spánar í sumar...

2008-04-19T14:54:00.004Z

...þá ætla ég að segja eina sögu sem lætur mig deyja úr hlátri í hvert skipti sem mér dettur hún í hug...

Við stórar umferðargötur úti á Spáni eru oft svona klefar eins og hér til hægri, nema þegar enginn er í þeim þá eru rimlarnir oftast dregnir fyrir.

Hann Diego, vinur minn var búinn að búa upp undir ár á Spáni þegar hann uppgötvaði hinn raunverulega tilgang klefana. s.s. að selja lottómiða til styrktar landsamtaka blindra spánverja (organización nacional de ciegos espanoles=ONCE).

Áður en hann Diego komst að hinum raunverulega tilgangi þessara klefa, hélt hann að þarna inni væri fólk sem fylgdi blindum yfir götur, skiljanlegur misskilningur, sérstaklega þegar maður horfir á myndina.

Ég man að mér datt í hug að kannski á Spáni hétu samtök homma og lesbía Once (ellefu). Ég hef nefnilega aldrei skilið afhverju þessi samtök þurfa að bera tölu á Íslandi. Það verður bara til þess að ég ruglast og segi samtökin '76 nei '66 nei '67 nei '78

Þessir klefar eru mjög algengir, sjálfsagt yfir 100 talsins bara í Valencia, þannig að ég veit ekki hvað hann Diego hélt að væru margir blindir á Spáni.

Hljómar þetta vel?

2008-04-18T21:12:00.001Z

Blaðadrengir

Newsies

Blaðadrengir (Newsies) er bandarísk söngvamynd frá 1992.

Myndin gerist í New York árið 1899 og segir frá því er blaðadrengir fóru í verkfall vegna smánarlegrar framkomu blaðakónganna Josephs Pulitzers og Williams Randolphs Hearst í þeirra garð.

Piltur að nafni Jack "Kúreki" Kelly skipulagði verkfall blaðasalanna og David Jacobs hét sá sem var potturinn og pannan í nýju verkalýðsfélagi sem sameinaði blaðasalanna í baráttunni við auðkýfingana.

Ég veit þetta verður ekki vinsælt...

2008-04-17T22:06:00.002Z

...en er ekki hægt að koma sumu fólki í vinnu?

Þá er ég aðallega að tala um þetta lið sem er í gjörningum. Ég sá konu í sjónvarpinu um daginn sem greinilega hafði alltof mikinn frítíma. Hún var búin að hengja upp fjöldann allann af hekluðum dúkum, fylla baðkar með vatni, síðan var hún bara þarna að dandalast með málningu og pensil, í hvítum kjól og mála eitthvað upp í loftið og á gólfið svona á milli þess sem hún buslaði eitthvað í baðkarinu.

Síðan var maður sem var búinn að byggja eitthvað sem einna helst líktist leiksviði í barnaleikriti. Þarna var lítið hús, tjörn, yfir tjörninni var síðan lak lá sem haldið var uppi af gasblöðrum. Þetta hefði verið voða sætt ef að gjörninginn hefði átt að nota í barnaleikrit. Mér skildist að gjörningurinn í þessu verki hafi einna helst verið blöðrurnar sem héldu uppi lakinu...

...mér leiðist að fólk sé á launum við svona vinnu.

Rosalega er ég þakklát....

2008-03-30T18:29:00.004Z

...-að eiga ekki glænýjann bíl. Hugsaði ég eftir að hafa þvegið bílinn minn í dag og skoðað skemmdir vetrarins á dökkbláu lakkinu... Pakkið sem á bílastæðið við hliðina á mínu hefur svo sannarlega framið skemmdarverk á hægri hliðinni, þar hafa birst c.a. 8-10 lóðréttar hvít-silfraðar línur. Það eina sem ég get huggað mig við er að bíllinn, sem í fyrra leit svo þokkalega út þrátt fyrir að vera orðinn 10 ára gamall, myndi hvort'eð er ekki seljast á meira en 150.000 ikr. En ég var svo sem ekkert að hugsa um að selja hann Jónas minn.

Aumingja Jónas.

Útskýring á málýskudjókinu

2008-03-17T17:40:00.002Z

Getið þið ímyndað ykkur skilgreiningu á því hvað tungumál er?

Getið þið síðan ímyndað ykkur skilgreiningu á því hvað málýska er?

Hvað er það sem gerir tungumál að tungumáli og málýsku að málýsku?

Jæja, alla vegana í stuttu máli eru allir málvísindamenn búnir að sættast á það að tungumálin séu samsett úr málýskum, þ.e.a.s. að allir sem tali tungumálið tali einhverja af málýskum þess, það er því ekki hægt að segja að maður tali tungumál, heldur talar maður málýsku af tungumálinu.
Og þetta þótti mér svaka fyndið um daginn.

Ég lýsi eftir Erlingi

2008-02-23T22:40:00.002Z

Já Erlingur minn ef þú ert einhverstaðar þarna úti þá lýsi ég eftir þér.

Ég þekki að vísu engann Erling, en fólk er alltaf að hringja til mín að spyrja eftir honum. Þetta er alveg plága, það er hundleiðinlegt að svara í símann og útskýra það að Erlingur sé ekki í þessu símanúmeri og hafi ekki verið síðastliðin 3-4 ár!

Ég er búin að reyna símaskránna, því miður eru svona 10 bls af Erlingum.

Kveiktuð þið á djókinu með málýskuna?

Ég komst að því í dag...

2008-02-13T22:52:00.002Z

...að ég tala málýsku. Hef meir'að segja annann orðaforða en aðrir í kringum mig. Þessi grunur hefur verið að læðast upp að mér síðastliðnar vikur, en varð alveg ljós í dag þegar konurnar í vinnunni hreinlega vissu ekki hvað ég var að tala um. Mér varð það á að nota orðið "blýpenni", það er víst norðlenska fyrir svo ljótt orð að ég varla get komið stöfum að því..."skrúfblýantur"...það er afskaplega ljótt orð.

Reykvíkingar og snjór.

2008-01-25T14:16:00.000Z

-það er eitthvað sem ekki á saman.

Í morgun kom ég seint í vinnuna, 3-mín, af því að sonur hjónana á efstu hæðinni festi sig á leiðinni út af bílastæðinu, ég sá að hann var að festa sig þegar ég kom út. Ég hugsaði "hann hlýtur nú að losa sig úr þessu, þetta eru bara 10-15 cm, nýfallið og engin hálka undir . Ekkert til að vera fastur í." En nei! haldiði ekki að maðurinn hafi ekki enn verið fastur þegar ég ætlaði að fara, þá var ég búin að eyða um 10 mín í að moka ofan af bílnum mínum. Þá hafði ekki enn hvarflað að honum að bakka aðeins, til að losa sig. Maðurinn var örugglega búinn að spóla í gegnum malbikið.

-Við erum að tala um að þetta lið hægir á sér og stoppar helst, ef það sér fram á að þurfa fara í gegnum smá snjó, svona bara svona til að festa sig örugglega.

Nágranninn

2008-01-23T15:33:00.000Z

Ég sagði konunum í vinnunni frá forvitna nágrannanum í gær. Í dag vildu þær fara hafa samband við lögregluna. -"Það er náttúrulega ekkert eðlilegt að maðurinn sé svona á gluggunum hjá mér!"
Ég dó úr hlátri og stoppaði þær af, þessi maður getur seint talist mjög hættulegur og þar að auki hugsa ég að hann liggi ekki bókstaflega á gluggunum hjá mér. Ég verð bara muna að draga fyrir ef það koma gestir...........sérstaklega ef þeir eru karlkyns, s.s. pabbi minn.

Gera stjórnvöld engar athugasemdir við svona?

2008-01-20T19:43:00.000Z

Það er kona sem ég veit um sem er skráð einstæð móðir og er með tvö börn. Á póstkassanum er bara nafnið hennar og síðan barnana. Samt er alltaf einhver maður hjá henni sem börnin kalla pabba, ég mæti honum mjög oft í þvottahúsinu og sé hann mjög oft fara út um kl. 07.30 á morgnana. Síðan er konan ólétt. Hvernig útskýrir hún það að börnunum hafi fjölgað hjá sér síðan í fyrra. Segir hún að börnin séu eingetin? Þarf hún ekki að feðra barnið? Eða segir hún kannski bara að að hún viti ekki hver faðirinn er? (humm, hljómar vel)

OMG

2008-01-04T13:38:00.000Z

Ég á vangefinn nágranna, Hrefna mín þú veist alveg hver það er, og hann er með kærastamál mín á heilanum. Við erum að tala um það að maðurinn nefnir þessi mál við mig í hvert einasta skipti sem við hittumst, sem betur fer gerist það ekki nema svona 1-2 í mánuði.

Einu sinni var pabbi í heimsókn, þá spurði K hann hvort hann væri kærastinn minn. Þegar pabbi neitaði því og sagðist vera pabbi minn þá sagði K að það gæti ekki verið...........hann væri svo ungur.

Síðan var ég að tala við K aftur núna og þá spurði hann mig hvort ég væri með kærasta, enn og aftur..... En núna var ástæðan af því að hann hafði séð mig tala við eitthvað karlkyns, ljóshært heima hjá mér í stofunni!!!! Ég taldi honum trú um að þetta hlyti að hafa verið bróðir minn eða eitthvað :) Hann þyrfti að komast til Kúbu þessi, þarsem fólk fær borgað fyrir að kjafta um nágrannana.

Eru dagblöðin hætt að hafa fólk í vinnu......

2007-12-18T15:52:00.001Z

.....við lesa yfir texta til að tékka málfar og stafsetningu áður en þeir fara undir augu almennings!!!.......

Hvernig getum við eiginlega ætlast til þess að útlendingar læri íslensku, þegar við getum það ekki einu sinni sjálf?????? Og ráðum fólk sem greinilega þekkir ekki muninn á því að deyja og drepast, dauð og dáin, éta og borða.....og svo mætti lengi telja.

Af hverju getur fólk ekki bara munað það að dýr drepast, eru dauð og éta, á meðan þau eru enn á lífi. Þar af leiðandi byrjar maður fréttina sína ekki svona "Kona lá eftir dauð..." (þið getið séð afgang hér)

Af hverju getur fólk annars ekki bara munað að sagnirnar hlakka og kvíða taka með sér nefnifall, og að maður kaupir gjafir handa fólki en ekki fyrir það. (nema þú sért sérstaklega greiðvikinn og sért að kaupa gjafir fyrir Pétur og Pál, sem þeir ætla síðan að gefa einhverjum öðrum.) Maður talar við lækni en ekki læknir.

Þetta er nú það sem fer mest í taugarnar á mér í dag. Ég ímynda mér ekki að ég sé best í íslenskri málfræði, en stundum stend ég sjálfa mig að því að telja málfræðivillur hjá fólki sem ég tala við, ef það er sérstaklega slæmt.

Ein spurning í lokin:
Hver er munurinn á seinasta og síðasta? Hver er munurinn á því að segja "seinasta laugardag" og "síðasta laugardag"?

2007-12-16T14:15:00.000Z

http://www.youtube.com/watch?v=p58_glJe_PY

ER EKKI Í LAGI?

2007-12-16T14:10:00.001Z

Skólayfirvöld í Norður-Kaliforníu máttu greiða sem svarar tæpum sex milljónum króna í málskostnað fyrir fjölskyldur sem höfðuðu mál á hendur skólanum vegna reglna um klæðaburð nemenda.

Foreldrar barna í skólanum fóru í mál eftir að nemanda var refsað fyrir að mæta í skólann í sokkum sem á voru myndir af Tígra, vini Bangsímons.

Dómssátt náðist í málinu, en talsmaður skólayfirvalda sagði í síðustu viku að milljónirnar sex rynnu til lögmanna fjölskyldnanna. Reyndar þurfa skólayfirvöld líklega einnig að greiða sínum eigin lögmönnum.

Í dómssáttinni segir m.a. að skólanum sé ekki lengur heimilt að krefjast þess að nemendur séu einvörðungu í einlitum sokkum. (fengið af mbl.is)

Aumingja fólkið uppi !

2007-12-16T01:56:00.000Z

Það getur ekki verið gaman að eiga börn, alla vegana ekki þessi sem búa með köttunum ofan við mig.

Ég rumskaði við það í nótt, kl.03:xx að það voru greinilega gestir í glasi hérna á efri-hæðinni. Ég hugsaði þeim þegjandi þörfina og breiddi koddann yfir hausinn.
Kl 07:xx vaknaði ég við börnin, þá voru þau komin af stað, syngjandi.

Það er nú bara ekki í lagi með þetta lið. Annað hvort vaknar maður við ryksuguna fyrir 8 um helgar, ef ekki, þá vaknar maður við börnin syngjandi, t.d. Maístjörnuna.

Þýðinga mistök

2007-12-14T18:45:00.000Z

Ég var að horfa á einkar góðann þátt í vonda veðrinu í dag um 5 leitið. Eitt atriðið gerðist á lögrelustöð þar sem lögreglan neitaði að láta glæpakvendi laust vegna þess að það hafði farið úr bænum, eftir að hafa framið glæp en hafði verið látin laus gegn tryggingu. En glæpakvendið hafði farið til að huga að ungum syni sínum og komið síðan aftur til baka. En núna harðneitaði lögreglan að láta hana lausa af því að hún væri "flight risk".

Þýðingin bjargaði þessum annars leiðilega þætti alveg fyrir mér, þýðandinn virtist skilja það sem svo að með þessu "flight risk" væru handritshöfundarnir auðvitað að vitna til þess að konan væri hættuleg í flugvél, og þess vegna vildi lögreglan loka hana inni þangað til dómur yrið kveðinn upp yfir henni. Ekki sú að þeim þætti líklegt að konan myndi flýja.

Genin

2007-12-13T00:08:00.000Z

Ég var að lesa grein um genabreytingar manna á www.mbl.is, þar sem talað er um að gen manna séu sífellt að breytast "Sem dæmi má nefna að Afríkubúar eru með ný gen sem veita mótstöðu gegn malaríu. Evrópubúar eru með gen sem auðvelda fullorðum einstaklingum að melta mjólk og Asíubúar eru með gen sem gera eyrnavax þurrara en hjá öðrum."(´úr greinini)

Ég fékk nú eiginlega kast þegar ég las þetta með eyrnavaxið, það er spes, og ennþá meira spes að hafa tekið eftir því!

Hvað hefur maður með kött að gera í blokkaríbúð?

2007-12-07T15:07:00.000Z

Þau eiga tvo ketti. Fólkið fyrir ofan mig á tvo ketti. Ég heyri krafsið í þeim niður til mín, þegar þeir spóla á parketinu, plastparketinu.
Hvað hefur maður annars að gera með tvo ketti í blokkaríbúð? -Eru þau kannski farin að reka kattahótel?

Óráðin framtíð, hvers á ég að gjalda?

2007-10-21T21:48:00.000Z

Tileinka�u ��r a� �akka fyrir �ig � meira m�li en �� ert vanur/v�n. Einnig �ttir �� a� bera fram �skir ��nar �v� vi�br�g�in ver�a oftar en ekki j�kv�� egar �� einfaldlega spyr�. Gleymdu ekki a� bi�ja um a�sto� �egar �� arfnast �v� f�lk f�tt undir stj�rnu lj�nsins er f�rt um a� fara fram � hj�lp n�ungans ef �annig stendur � me� �v� a� bi�ja um grei�a en einungis me� j�kv��um og sk�rum h�tti. Haltu fast � forgangsr�� na �t okt�ber m�nu� og gef�u sj�lfinu forskot �ar me�.

Fengið að láni hjá spamadur.is í dag. Ætli Ellý hafi fundist erfitt að ráða í framtíðina núna og bætt mörgum spurningarmerkjum inn til að undirstrika það?

Þarna komst upp um mig ;(

2007-10-14T19:45:00.000Z

Já ég er ekki karlmaður.

Það hafa ruslpóstssendararnir haldið í mörg ár þegar þeir hafa sent mér auglýsingar um viagra og "penis enlargement"
Núna hefur sem sagt komist upp um mig og nú er ég farin að fá ruslpóst í gríð og erg þar sem bók ein er seld sem á að kenna konum að verða eftirsóttar af karlmönnum (!!!!)

Dear Svanlaug,

In case you haven't checked the forecast lately, here's today's
report:

IT'S RAINING MEN! (Hallelujah!)

And what's BLOSSOMING is the love lives of "Dating Without Drama"
women all over the world!

Today's DISH is devoted to some of the most awesome, INSPIRING
success stories I've received recently...

These women got out of their dating doldrums and discovered that,
when they date without drama, THERE ARE MEN EVERYWHERE who want to
date them and SHOWER them with attention and affection!

Svan, if you're ready to watch your love life bloom
into a happy, healthy one that's successful beyond your wildest
dreams, IT CAN BE DONE...

ÞAÐ ERU ÖRUGGLEGA EINHVERJAR NÓGU DESPERATE TIL AÐ KAUPA BÓKINA

Ein spurning til ykkar

2007-10-11T22:40:00.001Z

Er fiskur kjöt?

Talandi um búrókrata.

2007-10-07T22:54:00.000Z

Ég fékk símtal fyrir um tveim vikum síðan, frá fyrrverandi leigusalanum mínum. Þar tapaði ég 30 mínútum af lífi mínu. Þá þurfti ég að fara aflýsa leigusamningnum mínum. Nú skyldi maður halda að það væri nóg að hringja í liðið sem vinnu hjá sýslumanni. En nei!!! Ekki var það nóg! Heldur þurfti ég að fara sjálf og hafa með mér afrit af leigusamningunum mínum.... Nú voru góð ráð dýr. Alveg villidýr. Ég hafði ekki hugmynd um hvar leigusamningurinn væri, hann var orðinn meira en ársgamall og þar að auki var ég flutt, fyrir um 3 mánuðum!!!!
Ég leitaði í öllum kössum hér heima. Og var gjörsamlega að gefast upp þar til mér datt í hug að hafa samband við Reykjavíkurborg. Þau lágu á samningnum mínum, eins og ormar á gulli, ég þurfti meir að segja að skrifa undir þegar ég tók hann með mér. Þetta þýddi að ég þurfti að gera mér ferð á svæðisskrifstofu reykjavíkurborgar í vesturbæ...gleði, gleði. Síðan fór ég skógarhlíðina að láta aflýsa þessu súper skjali, en nei ekki var það nóg! Þau stimpluðu aftan á samninginn og sögðu mér að láta leigusalann skrifa undir.
Það kostaði aðra ferð í Vesturbæinn og 45 mínútur af lífi mínu. Núna veit ég allt um drengina sem leigja íbúðina. Það liggur við að núna geti ég giskað á í hverning nærbuxum þeir séu þessa stundina.
Það var sem sagt um 3 klst prósess að aflýsa einu skjali.

Frekar líbó, ha?

2007-09-29T21:57:00.000Z

Mér finnst ég alveg svakalega líbó þegar ég fer fram í þvottahús á náttfötunum. Lengra fer ég þó ekki....Og reyndar hefur það ekki hvarflað að mér.
Hingað til.

Um daginn fór ég síðan rétt fyrir hádegi á fimmtudegi að taka bensín á bílinn minn. Haldið þið ekki að stúlkan sem var að taka bensín á undan mér hafi ekki verið á náttfötunum. Marta, náttbuxurnar hennar voru meir að segja ljótari en mínar bleiku með blómunum. Hún var síðan í rauðri flíspeysu utan yfir, en á náttbuxunum engu að síður.
Þarna varð mér ljóst að barnaefni hefur greinilega meiri áhrif en við höfum hingað til haldið. Þessi stúlka hefur augljóslega horft á Bananabræður hér á árum áður.

Sorrý kannast ekki við það

2007-09-25T18:26:00.000Z

Þegar þú ert á veiðum - ljónið sjálft - ættu önnur frumskógardýr að draga sig í hlé. Þú ert alveg til í að vera vinalegur, en því miður, þú ert SVANGUR!

Og hvaða rugludallur komst nú í að semja stjörnuspána??????

Ja-há?

2007-09-12T18:54:00.000Z

Ef þú púkkar enn upp á manneskju sem myndi selja ömmu sína við fyrsta tækifæri, skaltu slíta sambandinu. Það verður létt að finna staðgengil.

Já þetta var stjörnuspáin í dag? Hvernig túlkið þið hana?

Hvað er í gangi á Kársnesi?

2007-09-12T18:34:00.000Z

Aðalmálið á Kársnesi þessa dagana er sennilega stækkun Kópavogshafnar. Ég las frétt um málið á www.mbl.is áðan þar sem verið var að fjalla um málið og fjallaði greinin aðallega um hversu margar athugasemdir hefðu komið fram í sambandi við þessa stækkun. Ég geri ráð fyrir að allar athugasemdirnar séu á neikvæðunótunum en það sem mér þótti merkilegast var að bæjarstjórn Kópavogs ætlar ekki að taka allar athugasemdir til greina. Mér sýndist á greinini að þeir sem væru ungir, þ.e. undir 18 ára aldri hefðu ekki rétt á að hafa skoðun á málinu. Einnig var minnst á að fólk yfir níræðu hefði líka haft skoðun á málinu og mér fannst eins að það ætti ekki að hafa skoðanir. Á maður þá bara að hætta að hafa skoðanir þegar maður nær ákveðnum aldri? Hver er sá aldur? Er það á sama tíma og maður fer á ellilífeyri? Á maður þá bara ekki að missa kosningaréttinn þá líka?
Annað sem mér þótti sérstaklega athyglisvert var að heimilisköttur hefði skilað inn athugasemd og fylgdi með greinini að athugasemd kattarins yrði ekki tekin til greina. En mín spurning er:Afhverju ekki? Fyrst hann getur komið henni í orð?

Réttir í Madrid?

2007-09-09T14:12:00.000Z

Eða næstum því.
Götur Madridar munu í dag fá ein 1000 stykki af búfénaði í heimsókn, þar af 700 spænskar kindur. Búfénaðurinn er kominn til Madridar í tilefni af 14. hátíð hirðlífis. Á hátíðina munu koma hirðingjar og smalar frá um 40 löndum og mun hún vera haldin til að hvetja lönd til að slaka á reglum um landamæri og annarskonar höftum sem koma í veg fyrir að hirðingjar fái að ferðast óáreittir með búfénað sinn.

Tískan kemur aftur

2007-09-08T20:04:00.000Z

Hvað er málið?????!

Ég fór í bæinn í dag og ætlaði..............................ég endurtek ætlaði að kaupa mér föt. Ég var reyndar mjög efins um að ég fyndi eitthvað sem mér líkaði....Ég hef nefnilega verið að taka eftir því upp á síðkastið að furðuleg tíska er að stinga upp kollinum. Elliheimilatískan, núna þykir smart að ganga með slæður, já þið heyrið rétt, kellingaslæður, eins og gamlar konur ganga með. Ég höndla það ekki. Síðan get ég svarið að ég sá flíkur sem eru alveg eins, eins í sniðinu og með eins munstri eins og gömlu útþvegnu flíkurnar sem kellingarnar áttu á elliheimilinu, bara minna útþvegnar. Ég höndla þetta bara ekki. Er að hugsa um að hætta að kaupa mér föt þangað til þessi tíska fer aftur. Ég er bara hrædd um að krumpugallar með vængjaermum komi aftur í tísku.

La tomatína

2007-08-31T21:12:00.000Z

40.000 manns + 115.000 kg af tómötum = getur ekki verið annað en gaman.

Er að hugsa um að fara á næsta ári, langar að fara á næsta ári, en því miður er þetta í lok ágúst.

Veit ekki hvort ég á að hlæja eða gráta

2007-08-27T19:59:00.000Z

Ég var að lesa mbl.is áðan og rakst á grein Sá um ástarleikina fyrir bróður sinn og hélt auðvitað að þetta væri eitthvað djúsí frá Hollywood. Það rann í gegnum huga minn að kannski ætti Brad Pitt bróður, eða kannski George Clooney......En nei, ekki varð mér að ósk minni. Þá var þetta frétt um tvo þýska bræður, þann eldri 26 ára og þann yngri sem greinilega var yngri og átti 24 ára kærustu. Já þið eruð örugglega farin að átta ykkur.....sá eldri var sem sagt að sofa hjá kærustu þess yngri vegna þess að yngri bróðirinn var of FEIMINN til að sofa hjá eigin kærustu!!!!! og þetta uppgötvaðist ekki fyrr en stelpu greyið kveikti ljósið í svefnherberginu. Þá höfðu bræður skipt um hlutverk á klóstinu og passað að þegar sá eldri var inni til að taka hlutverk yngri bróðursins að ljósin væru slökkt.

Myndi maður nú ekki bara láta gæjann fara í stað þess að semja við systur sína um að sofa hjá honum, ef maður þyrði ekki úr fötunum fyrir framan hann?????
Og nú af því að ég á ekki systur, þá ætla ég að beina þessu til frænkna minna -stelpur, ég ætla ekki að sofa hjá kærustunum ykkar. Ef þið þorið það ekki sjálfar, losið ykkur þá við þá!

Frh.

2007-08-26T17:41:00.000Z

Já síðan fór ég með Aude í matarboðið. Þar hittum við fyrir maraþonhlaupara og deitið hans. Maraþonhlauparinn hafði lokið maraþoninu þarna um daginn á sex klukkustundum, á meðan aðrir voru að klára það á 3 og hálfri klukkustund, og þá er ekki að tala um sjálfa mig. Þið vitið það alveg að mér dytti aldrei í hug að hlaupa meira en 4 metra í einu, er það ekki? Ólyginn segir að það hafi einn sjötugur lokið keppini á undan maraþonhlauparanum, sem er þó enn á þrítugsaldri. Það þótti frekar broslegt allt allt kveldið.
Síðan fórum við á tónleika á Miklatúni, þarsem elstu tónlistarmenn landsins kepptust við að fá hjartaáfall.......Sem betur fer slapp það nú til að einhver dræpist á þessum tónleikum. Annars þótti henni Aude Megas vera merkilegasti tónlistarmaðurinn, hún skildi engan veginn í því að manninum væri hleypt svona drukknum í sjónvarp, útvarp og upp á svið. Síðan lá leiðin á flugeldasýningu og síðan heim til Maraþonhlauparans í partý....... Þar sem fólk á einum tímapunkti var komið í að reyna láta sér detta einhverja í hug sem hægt væri að spyrða saman við einhleypingana í partýinu. Ég stoppaði það af þegar kærasta maraþonhlauparans lét sér detta í hug að fara koma mér saman við bróður sinni. (það var of mikið af því góða!!!! Hilda mín, þú veist af hverju.) Enda mér mein illa við að það sé verið að koma mér saman við hina og þessa. Aðallega hina samt. Frh....Þetta er svo löng saga að ég meika ekki meira

2007-08-24T22:49:00.000Z

Jæja þá er hún Aude farin heim. Ég dró hana niður í bæ á klukkan 10 að morgni menningarnætur. (Hvað? Það er ekkert að þessari setningu). Við lögðum við Dropann og gengum svo Barónsstíg og síðan niður Laugarveginn. Þegar við vorum komnar niður Laugarveginn og Bankastrætið líka, gengum við fram á þennan ofboðslega mannfjölda. Þá var Reykjavíkur-maraþonið í fullum gangi. Þar sem við vissum af einum kunningja mínum á hlaupum þarna þá ákváðum við aðeins að hinkra, en sáum hann ekki. Síðan héldum við áfram niður á Hallærisplan og horfðum á indverska dansara. Síðan fórum við í Kolaportið. Þar kenndi ýmissa grasa og þar var líka mjög skrítin lykt. Í Kolaportinu keyptum við einmitt harðfisk og hákarl, því ég taldi vinkonu minni trú um það í kvikindisskap mínum að það væri nú ekki hægt að koma til Íslands án þess að bragða þetta hnossgæti..........

Síðan héldum við áfram og eiginlega til baka aftur, því nú lá leið okkar upp að Hallgrímskirkju, þar sem við settumst niður með maltextrat og frönsk horn. Ég beið spennt eftir að geta gefið vinkonu minni hákarlinn. Við opnuðum harðfiskinn, maltið og mauluðum á hornunum, þegar mér sýndist vinkona min vera búin að borða opnaði ég dósina með hákarlinum............. Hún tók bita og stakk honum upp í sig.........ég beið spennt eftir að hryllingssvipurinn kæmi á andlitið á henni, en hann kom ekki.....henni fannst hákarlinn bara ágætur.

Við dönduluðumst niðri í bæ, urðum fyrir því að einhverjir latíno-gæjar reyndu að taka okkur á löpp með því að bjóða okkur í siglingu....Hver veit hvenær eða hvor okkur hefði verið skilað aftur?????? Síðan var okkur líka boðið í mat til Ástu og Baldvins.

frh. síðar...

Útilega? Ha?

2007-08-18T00:14:00.000Z

Jæja nú er hún Aude mín komin. Við erum búnar að fara á Gullfoss og Geysi, Þingvelli, Seljalandsfoss og svo alla leiðina til baka til Rvk-ur, og komum náttúrulega við í Eden til að fá okkur ís með dýfu, dýfa er óþekkt fyrirbæri í Frakkalandi. En tær snilldar uppfinning að sögn súkkulaði svínsins Audar. Aude átti nú samt besta frasan í Hveragerði þegar ég var að rúnta með hana um bæinn og var komin með hana upp á golfvöll sem er fyrir ofan bæinn. "Er þetta ekki svolítið lítill vegur til að geta verið til Reykjavíkur???" Ég fékk kast.
Síðan erum við stöllur búnar að eignast uppáhalds lag í íslensku útvarpi, Allt fyrir ástina, með honum Páli Óskari. Þvílíkt lummu lag, sambland af diskói og teknói. En við tökum nú samt alltaf upp á því að fara raula það, þvílíkt sem það festist í heilanum á manni....

Við fórum í "útilegu" á Snæfellsnes. Fórum í gærmorgunn og komum aftur í kvöld, þ.e. föstudagskvöld. Það hvarflaði að mér að kíkja í tjaldpokann kvöldinu áður en við fórum, en gleymdi því síðan aftur, satt að segja fannst mér það ekki þurfa því að ég var bara búin að tjalda einu sinni, og mundi eftir því að hafa tekið það upp aftur heima til að þurka það eftir vosbúðina á Höfn um árið á Humarhátíð. Síðan ætluðum við að gista í þessu fína tjaldi í Ólafsvík, en nei nei, haldið þið ekki að himininn hafi ekki verið týndur og tröllum gefinn..... Þá hafði tjaldið verið í geymslu hjá foreldrum mínum og Hemmi litla dýr ekki farið í útilegu við Botnsvatn, í tjaldinu mínu!!!! (mig rámar nú eitthvað í það núna að hafa lánað honum það). Hemmi segist ekki hafa komið öllu dótinu fyrir í tjaldpokanum og því fór himininn í bakpoka sem vinur hans á, og þar er hann örugglega enn....ef hann er ekki kominn á haugana. Þannig að við máttum gjöra svo vel að gista í bílnum!!! Frábær útilega! Ekki satt?

Er fyrsti apríl?

2007-08-13T00:04:00.000Z

Ég næstum því dó áðan, úr hlátri, þegar ég rakst á frétt á www.visir.is með titlinum Perri á reiðhjóli
Auðvitað þurfti ég nú náttúrlega að lesa fréttina, og þá dó ég aðeins meira, að innan. Þá voru það víst einhverjar ungar stúlkur, vonandi ekki mjög ungar þó, sem gengu fram á mann á Sólvallagötunni sem var nótabene á reiðhjóli, að fróa sér!!!! Stúlkunum varð að sjálfsögðu mjög brugðið að sjá þennann másandi mann, stóð í fréttinni. Einnig kom fram í fréttinni að þetta hefði verið um kl 7 um morgunninn. Hvað eru ungar stúlkur að gera svona snemma úti? Þær geta nú ekki hafa verið mjög ungar. En alla vegana var lögreglan að leita að þessum manni, á milli þrítugs og fertugs, með derhúfu, í rauðum og bláum jakka. Og semsagt á reiðhjólinu.

Hvað er að?? Hverjum dettur eiginlega í hug að fara fróa sér, sitjandi á reiðhjóli, úti á götu???? Er fólk hætt að vilja fá að vera í friði við þetta???

Jæja þá er gamanið búið, ja svona næstum því

2007-08-08T21:07:00.000Z

Því að ég á að fara á fund með deildinni minni, sem samanstendur af tveimur öðrum manneskjum núna á föstudagsmorguninn kl 10, úff hvað það verður erfitt að vera komin eitthvað kl 10, ég get verið vöknuð, ekkert mál, en að mæta einhverstaðar fyrir 10 gæti orðið erfitt.

Ekki má gleyma að mér er boðið í partý í Hljómskálann um helgina

Það er samt fullt á döfunni, þar sem hún Aude mín ætlar að fara koma í heimsókn á mánudaginn og vera í heila 9 daga. Er að pæla að fara með hana smá á suðurlandið, Borgarfjörðinn og kannski Snæfellsnesið, voða gaman. Síðan er náttúrulega Menningarnótt, sem ég hef aldrei prófað fyrr, hef alltaf verið fyrir norðan eða að vinna, eða jafnvel bæði..... Síðan, síðan, síðan.... byrjar bara skólinn.

Falleg húfa, ekki satt?

2007-08-07T16:53:00.001Z

Þetta er húfa sem , supuestamente, tekur við hávaðanum sem verður þegar maður hugsar.

Myndin er fengin að láni hjá: www.elpais.com

Á barnum

2007-08-06T22:19:00.000Z

Mig rak í rogastans þegar ég var að "fletta" El País og rak augun í þessa mynd. Þetta er einmitt bar sem við stelpurnar fórum á á Tenerife. Fínasti bar með írskristemmingu. En ekki er hún falleg fréttin sem fylgdi. Þar er sagt frá því að 21 árs "karlmaður" af arabískum uppruna hafi látið lífið eftir að hafa verið sleginn af einum af dyravörðum staðarins. Faðir hins látna vill meina að margir af þeim mönnum sem vinna sem dyraverðir séu drápsvélar án þess að þurfa á byssum eða hnífum að halda og hafi mikla fordóma gagnvart múslimum og dökku fólki.

Herra Valencía................

2007-08-05T01:19:00.000Z

Þetta er herra Valencía. Hvar fundu þeir þennann mann? Á djamminu?
-Maðurinn er með bauga langt niður á kinnar. Hvað er málið? Er maðurinn drukkinn á myndini? Var ekki hægt að spasla svoltið undir augun á honum?

Og fór maðurinn í alsherjar líkamsvax? Hvað haldið þið? Mér þykir mjög undarlegt að sjá svona dökkhærðann mann með svona lítið af líkamshári.

Myndina fékk ég að láni hjá: www.hola.es

Hvað í...................?

2007-08-03T22:50:00.000Z

Þessi mynd er fengin að láni hjá www.elpais.es þar sem hún tekur þátt í "Besta mynd sumarsins".

Hvað eru þessir strákar annars að gera? Var þeim svo heitt að þeir misstu vitið?

Það tók nú bara tvo mánuði

2007-07-26T22:25:00.000Z

Já það tók nú einungis tvo mánuði að einhver færi að sakna mín og kvarta yfir því að ég hefði ekkert bloggað....

Annars er allt gott að frétta, er búin að vera í sumarfríi í allt heila sumar og hef líka fengið svona brakandi blíðu.

Ég flutti í Árbæinn 31.maí, og bý núna ein með sjálfri mér, enginn karlmaður með mér. Ég frétti það nú nokkrum dögum eftir að ég flutti inn að ég væri að flytja inn með kærastanum mínum. Ég hef nú ekki séð hann ennþá..... ég gerði mér reyndar ekki grein fyrir því að ég ætti kærasta..... en ekki lýgur almannarómur. Ætti ég kannski að fara hringja í lögregluna og láta lýsa eftir þessum manni sem á að hafa flutt inn með mér? Ég hef ekkert séð hann í að verða tvo mánuði. Hann gæti verið slasaður, ja eða jafnvel dauður.
Hvað finnst ykkur?

2007-05-25T23:40:00.000Z

Jæja búin að fara í klippingu, kom út nokkrum sentimetrum fátækari og þónokkuð mikið ljóshærðari.

Manneskjan sem átti að svara í símann gerði það aldrei, hún má ekki eiga von á því að ég reyni að hringja aftur, maður spyr sig afhverju maður sé að hafa fyrir því að púkka upp á svona lið.

Enn á lífi!!!!!!

2007-05-20T19:35:00.000Z

Pirr, pirr.....

Ofboðslega finnst mér pirrandi þegar fólk svarar ekki í símann sinn................og ofboðslega finnst mér mikið meira pirrandi þegar maður er búinn að hringja svona sirka 20 í viðkomandi að manneskjan skuli ekki hringja til baka.....................

pirr, pirr.

Það fer alveg að líða að næstu klippingu

Hallo

2007-03-18T12:35:00.000Z

Jæja........það er langt síðan síðast, ekki satt?

Mig langar rosalega til að geta sagt frá einhverju ofboðslega fyndnu en það mest spennandi sem ég hef gert síðastliðnar vikur er að fara í klippingu og síðan á árshátíð, sem ég var edrú á, hver vill líta út fyrir að vera alki á fyrstu árshátíð sem maður fer á með vinnunni?
Annars er var svolítið sniðugt í klippingunni, þar var kona sem vildi fá hár sem að væri flott og sem ekkert þyrfti að hafa fyrir.....helst vildi hún láta klippa á sig sítt hár .... Ég vona að við gerum okkur öll grein fyrir vanköntum þessarrar bónar.
Já og síðan kom ég út eins og tættur hænurass, með lagningu. Þær klippa vel þessar stúlkur en...........þær greiða öllum eins og þeir eigi ekki langt í elliheimilisaldurinn. Ég kom semsagt út með sömu greiðslu frú Grimmhildur Grámann, 86 ára nágranni minn og bílaskelfir (konan er enn með bílpróf og það sést á bílnum).

Snemmbúin valentínusargjöf

2007-02-14T23:55:00.000Z

Þegar ég kom heim úr vinnunni einn daginn núna í vikunni sá ég að fyrir utan útidyrnar hjá okkur lágu sígarettustubbar í hrúgu, svona rétt eins og einhver hefði ákveðið að reykja innihald heils sígarettupakka þarna á punktinum. Í fyrstu varð mér hugsað til hennar Mörtu sem stendur nú yfirleitt á þessum punkti þegar hún er að fá sér frískt loft, en þar sem hún er nú sérstaklega pössunarsöm með sína afganga þá þótti mér þetta heldur skrýtið. Fólkið uppi segir að þessir stubbar hafi birtst þarna á meðan þau fóru í búðina þennann dag.
Nú er bara stóra spurningin, hver er það sem hugsar svona vel til okkar að hann eða hún vilji arfleiða okkur að þessum gersemum?
Er þetta einhver ábending? Hvað er eiginlega málið? Ætli Marta fari í taugarnar á nágrönnunum hinum megin þegar hún stendur þarna úti og teygar ferska loftið. (Þau ættu bara að vita hvað það fer mikið í taugarnar á mér að þau skuli ekki enn vera búin að fá sér gardínur fyrir alla íbúðina hjá sér, satt að segja fæ ég nú ekki mikið út úr því að horfa á nágrannakonununa spranga um á brjóstahaldaranum, það væri annað mál ef maðurinn hennar væri tilbúinn að fækka svolítið fötum og spranga svolítið, þá myndi ég kannski, og bara kannski endurskoða þennann pirring minn út í gardínuskort þeirra)...
En spurningin sem brennur enn á vörum okkar er: Hver á stubbana? (og afhverju eru þeir þarna?)

Eitt að auki: Ég vil í tilefni dagsins óska heilögum valentínusi til hamingju með afmælið.

Sjálfvörn

2007-01-31T23:36:00.000Z

Ég frétti af konu sem fór á sjálfsvarnarnámskeið núna um daginn. Konu þessarri er mjög illa við ofbeldi og þótti henni hún þess vegna ekki alveg eiga heima á svona námskeiði, þar sem maður lærir hin ýmsustu bolabrögð og trix til að berja á árásamönnum sínum. Hún komst þó að því að maður getur nú ýmislegt gert án þess að berja mann og annann. Eitt ráðið þykir okkur Mörtu alveg einstaklega skemmtilegt. Það er ráð við nauðgunn. Það er þannig að kona sem verður fyrir því að einhver geri sig líklegann til nauðgunnar á bara hreinlega að míga eða skíta á sig, nema bæði sé möguleiki, það á nefnilega að reka árásarmanninn á flótta.
Góð ráðlegging, erfiðari í framkvæmd. Ég er ekki alveg að sjá það fyrir mér að mér tækist að míga eða skíta á mig svona rétt á meðan ég væri á flótta undan einhverjum árásarmanni. En það er náttúrulega bara ég....hvað með ykkur?

2007-01-02T22:28:00.000Z

Jæja jólin búin, og áramótin líka. Maður má víst þakka fyrir að hafa ekki farið niður í bæ í þetta skiptið.

Fékk alveg fullt af jólagjöfum og hélt svo furðulegt áramótapartý að það einna helst hefði getað passað Twilight Zone þættina.
Undarlegir gestir og samtöl sem ekki á að eiga með glas í hendi.

Guð hvað ég er fegin að vera að fara í vinnuna á morgunn

Skrýtnir nágrannar og annað furðulegt fólk

2006-12-12T14:38:00.000Z

Já, ég á fuðulega nágranna......fólkið sem á íbúð hinum megin við bílastæðið ætlaði aldrei að fá sér gardínur, konan gekk fram og aftur á brjóstahaldaranum, ég get svo svarið það að það var orðið daglegt brauð að mæta henni á haldaranum á hverjum morgni þegar ég fór í vinnuna
Síðan á ég annann nágranna sem ég reyndar hef ekki hugmynd um hvernig lítur út eða hvar nákvæmlega á heima........en það eitt veit ég að honum þykir góð hugmynd að vera saga, með vélsög, eða munda gradda til að ganga 2 á nóttunni og snemma á morgnana um helgar....Er þetta fólk venjuleg.

Síðan er ein spurning til þeirra sem þekkja mig:
Er ég með eitthvað sérstaklega stingandi augnaráð? Horfi ég eitthvað óþægilega mikið í augun á fólki ??? Er eitthvað tabú sem ég veit ekki um með það að horfa í augun á fólki þegar maður talar við það eða?
(Ástæðan fyrir því að ég spyr er að manneskja sem ég hitti annað slagið virðist alltaf fara hjá sér ef eitthvað augnsamband myndast. t.d. ef ég lít upp frá einhverju sem ég er að gera og augnsamband myndast um leið, eða ef ég kveð og verður það á að líta í augun á þessari manneskju)

Svar óskast

Skrýtnir draumar og skrýtnar konur

2006-12-09T02:26:00.000Z

Mig dreymdi svolítið mjög furðulegt núna aðfaranótt fimmtudagsins. Mig dreymdi að ég fengi sendan pakka og var það hún Sara Rós sem átti að hafa sent mér þennann pakka. Ég dró pakkann inn í stofu, þar sem Ásta, Baldvin og Gunni, mig minnir að Gunni hafi verið þarna líka, sátu. Ég fer að opna pakkann og uppúr honum koma eintómar peysur, hver inní annarri, a.m.k 3-4 stykki, og það sem meira var að þær voru mismunandi í útliti en allar bláar!!!
Hvað haldið þið að þetta tákni??? (já, Sóley mín ég geri ráð fyrir að þú trúir ekki á svona)

Úr einu í annað....
Þá lenti ég í skrýtnu atviki um daginn, þ.e. Helgi bróðir lenti í svolitlu......
Hann var að versla í Bónus og þá vindur gömul kona sér að honum og fer að rífa sig yfir því að hann sé með í vörinni.................sé ekki alveg hvað það kemur henni við................Nú þessi kona, sem hvorugt okkar hefur séð áður, vildi meina að Helgi þjáðist af einhverri minnimáttarkennd og þess vegna væri hann að taka í vörina.....................

Viljið þið segja mér hvað þetta þýðir!!!

2006-12-06T01:33:00.000Z

Mið.6.12.2006

Hvert sem þú ferð, skaltu taka með þér þinn innri frið sem á til að gleymast í daglegu amstri í leit að auðlegð, umhverfinu að færa þér gjafir tilverunnar og vertu óháð/ur. Þú telur þig eflaust vita hvað réttast væri að gera í stöðunni þegar eitthvað verkefni er annars vegar en annað mun koma á daginn, vittu til.
-Fengið á www.spamadur.is

Hvaða íslenskufræðingur er þarna á ferð???? Ég skil hvorki upp né niður í þessu. Ég veit ekki alveg hvað spámaður er að pæla þessa dagana, hann er alltaf að spá voða rómatík............ég hef nú ekki séð neitt af henni. (Ég fer nú að rukk'ann um hana) ;)

Orðabók

2006-12-05T18:07:00.000Z

Honum bróður mínum áskotnaðist orðabók um daginn, þá Pétrísku - íslensku.......
Það sem fólki dettur ekki í hug...maðurinn hlýtur að eyða heilu dögunum í að snúa útúr

skæluskjóða-blaðafulltrúi LÍÚ, þarsem hann skælir stöðugt yfir bágri afkomu sjávarútvegs
sköndlaskoðun- heimsókn í Reðursafnið á Húsavík
Sem minnir mig á þegar ég var að vinna í ferðamannaupplýsingum á Húsó þegar þýsk túristakona kom og hvíslaði yfir borðið hjá mér í miklum upplýsingartón að orðið phallus (sbr. phallus museum=Reðursafn) gæti misskilist á þýsku....já að phallus gæti bæði þýtt steinn og (svo hvíslaði hún enn lægra) typpi......(það munaði engu að ég öskraði úr hlátri (hafið ekki áhyggjur, ég hló bara mikið innra með mér)). Mér þótti nú lúmskt gaman að segja henni að phallus væri nú einmitt í seinni merkingunni.
spólgraður - maður sem verður graður af því að horfa á bláar spólur
kúlukílingar- golf

Nýjasta tækni og vísindi

2006-12-03T22:53:00.000Z

Æi ég er nú ennþá að ákveða hvort þessi mynd sé sæt. Nú eru vísindamenn búnir að finna upp aðferð til að taka mynd af fóstri sem er enn í leginu. Þetta hér er sem sagt fílsungi í legi móður sinnar. En eitt er víst það er enginn friður lengur..... ef börnin fá ekki einu sinni frið á meðan þau eru inni í mömmu sinni.
Hvað finnst ykkur???

Mynd fengin á www.elpais.es.

Það er byrjað aftur.......

2006-12-03T21:14:00.000Z

Já, undanfarið hafa mér verið að berast símtöl í heimasímann þar sem spurt heftur verið eftir Erlingi, ég veit ekki hvort ég hef rekið sögu þessarra símtala hérna, en alla vegana er þetta búið að ganga á síðan ég fékk símanúmerið......og náði hápunkti sínum þegar allt í einu vorum við komnar með talhólf á heimasímann, þarsem fólk var mikið að spyrja útí mótorhjól, bíla til sölu og verð..... Svanlaug snillingur tók það upp hjá sjálfri sér að breyta upphafsskilaboðum talhólfsins, við litlar vinsældir hjá eiganda hólfsins. Eftir það hefur nú ekki mikið verið hringt í Erling, fyrr en núna uppá síðkastið.......Og nú er annað hvort spurt eftir honum, já nú eða skellt á ( reyndar gæti kannski verið að þessar áskellingar tengist öðru, kannski á ég leynilegann aðdáanda, ja eða kannski Helgi bróðir) (ég hef nefnilega aldrei náð að ræða þetta við áskellarann) En ég gæfi mikið fyrir að eiga símanúmerabirti. (Forvitnin gæti drepið mig þegar fólk skellir á)

Jæja jólin að koma

2006-12-02T16:53:00.000Z

Já jólin eru greinilega að koma, það er búið að kveikja á jólatréinu á Húsavík....

Mynd fengin að láni á www mbl.is

Ein spurning, og kannski bara svona eins og ein athugasemd. Hvað finnst ykkur um breytingarnar a blogginu? Og því miður er ég búin að missa öll kommentin mín, svo þið verðið að fara kommenta með hjá blogger. Hitt dótið var ekki að gera sig lengur...sorry

Eigum við að láta okkur dreyma

2006-11-29T23:22:00.000Z

um sól og sumaryl í svartasta skammdeginu.

Roatán, Honduras

Jæja skyldi þetta takast

2006-11-29T01:38:00.000Z

Ég reyndi um daginn að blogga og það týndist þannig að ég er búin að vera í svolítilli fílu við hann blogger síðan þá.

Nú það er svolítið langt síðan ég hef skrifað eitthvað hér svo að ég er að hugsa um að gera bara svona þetta helst

Þetta er helst....

-Fór til Köben 19. okt, er reyndar löngu komin aftur, en skemmti mér konunglega með frænkum mínum.....fyrir utan veikindi og stokkera sem urðu á vegi mínum.....það er sko langt þangað til bjór kemur inn fyrir mínar varir.......................hápunktar ferðarinnar voru myndataka á ákveðnum manni í rauðum bol (stelpurnar vita um hvað ég er að tala) og rifrildin hjá systrum ( sumir hlutir breytast bara ekki)

-Fyrstu prófin eru á föstudaginn, nemendur mínir eru að fara yfir um af stressi.....og aðalspurningin er "-kemur þetta á prófi?"

-Ég er hætt á Dropanum

-Ég hef ekki farið á djammið síðan í Danmörku og fer sennilega ekki fyrr en um jól.

-Fyrrverandi kærastinn er kominn aftur til Íslands eftir 10 daga langa búsetu á Spáni, sem er þó nokkuð undarlegt því þegar hann fór seldi hann húsgögnin sín, hjólið og bara allt, það kæmi mér ekki á óvart þótt hann hefði reynt að selja nærfötin sín.....allt þetta virðist nú nokkuð ýkt miðað við 10 daga fjarveru......Svo nú eru þeir Ricardo og Hafliði bara orðnir næstu nágrannar, aftur. (Hverjar eru líkurnar?)

-Ég sá konu í tigerkápu um daginn, varð ósjálfrátt hugsað til ofurskutlunar tigerTöru og síðan til Ella.........Hann hefur greinilega verið á undan sinni samtíð þegar hann keypti rúmteppið forláta.
En þessi kona hefði tekið sig vel út með Töru í bandi. Hún hefði hins vegar ekki tekið eins vel út með Ella í bandi innvafinn í rúmteppinu.

Mér er vorkun

2006-11-10T16:17:00.000Z

Já eða þannig,

-Ég þarf að vera í vinnunni til 6 í dag
-Það lítur allt út fyrir það að ég fari ekki á djammið þessa helgina, það er þá þriðja helgin í röð sem ég sit alein heima og "bora í nefið", (mér býðst að vísu að fara í kveðju partý hjá fyrrverandi kærasta sem er að flytja af landi brott, jú hú hversu gaman er það, en ætli ég komi ekki við hjá honum og kveðji, finnst hans vinir ekki spennandi djammfélagar......útlendingar og annað pakk, vonandi kemst ég hjá að hitta þann sem býr hinum megin við götuna, þetta er búinn að vera nógu erfiður dagur fyrir)

chao

Ég gleymdi

2006-10-07T23:48:00.001Z

Já ég gleymdi að segja ykkur frá því sem ég sá á Dropanum fyrir fáeinum vikum síðan.

Ég var að fara í fötin mín niðri í búningsklefa eftir vakt og sá þar dökkhærða konu sem var að klæða sig í jakkann sinn, sem væri nú ekkert sérstaklega óvenjulegt nema fyrir það að jakkinn var actually babybleikur gervi loðfeldur....ég rek náttúrulega upp stór augu, en kann þó ekki við að vera að stara á þessa konu.

Ég álpast upp stigann í bleiku móki og er að stimpla mig út, þegar ég hitti hann Eika og upp úr mér vellur þetta með bleika gervi loðfeldinn. Og þá spyr hann mig bara að því hvort ég sé viss um að þetta hafi verið kona?????
Það renna á mig tvær grímur, maður býst nú ekkert sérstaklega við því að hitta karlmann í kvennaklefanum með sítt dökkt hár og í bleikum gervi loðfeldi.

Hann Eiki fræddi mig síðan á því að það er víst kynskiptingur að vinna á 4.hæðinni, kynskiptingur með hryllilegann smekk, því hann/hún var eins og tuskudýr fá 8. áratugnum i þessum feldi.

Hvað er í gangi, eiginlega?

2006-10-06T20:31:00.000Z

Sjónvarpsdagskráin breytist ekkert....hún er ennþá jafnslæm, þ.e. um helgar

Ómar Ragnars er búinn að hringsóla á árabát á Hálslóni í hálfann mánuð, hvað er með hann? er hann kominn á ellilaun? þarf hann ekki að mæta í vinnu?

Útvarpskonur eru farnar að auglýsa það að þær séu komnar í karlabindindi

Og Fertugir karlmenn eru farnir að auglýsa eftir nánum samskiptum við aðra karlmenn, helst marga í einu.....(rak augun í þetta þegar ég fletti Fréttablaðinu um daginn).

Er fólk alveg að tapa sér?

Ráðleggingar

2006-10-03T22:20:00.000Z

Ég var að vinna á Dropanum um helgina....tað eru alltaf sögur eftir Dropahelgar, reyndar líka aðrar helgar en tad er annað mjálm. Nema hvað að tessa helgina virtust öll spjót beinast að hjúskaparstöðu minni....Ég lendi í samtali við eina 97 ára sem finnst alveg upplagt að ráðleggja mér í leit minni að eiginmanni, hann átti að vera svona og hinseginn, ekki drekka of mikið, nenna að vinna, útí að vera laghentur og snyrtilegur, síðan var henni mjög umhugað að ég ætti frystikistu til að geyma hluti í (kannski eiginmanninn tegar hann verður orðinn of leiðinlegur) :) Tess má geta að sú 97 ára hefur ekki enn orðið ágengt í leit sinni að eiginmanni (tannig að ef einhver er spenntur fyrir einni 97 ára í hjólastól tá....bara djók). Tað er alveg spurning hvort ég eigi ekki að spurja tessar sem eru tví- og trígiftar. (ekki tað að ég hafi beðið um tessar ráðleggingar)

Síðan var ég að vinna með einni frá Filipseyjum sem vildi endilega ráðleggja mér að fara nú eignast börn, tað væri nú ekki seinna vænna. Hún væri nú orðin 51 árs og nú væri búið að taka eggjastokkana hennar svo ekki myndi hún fara að eignast börn, ég ætti nú endilega að eignast bara eitt....tað virtist ekki skipta neinu máli tótt ég væri 26 ára og ætti engann kærasta.......Tannig að ég sagði henni bara að ég myndi fara út um næstu helgi og redda tessu :) (hvernig öðruvísi getur maður svarað )

Hvers eiga innflytjendur að gjalda?

2006-09-17T18:28:00.000Z

Á Dropanum er ég að vinna með einni af tessum konum sem komu sem flóttamenn frá Kólumbíu í fyrra. Hún heitir Jaqueline. Aumingja Jaqueline mín varð fyrir tví óláni að ráðist var á hana niðri á Hlemmi um daginn, og var tar á ferðinni ein samstarfskona okkar blindfull (og jafnvel eitthvað meira). tessi samstarfskona vildi meina að við gerðum ekki annað heldur en að tala illa um Jaqueline. Samstarfskonan barði hana Jaqueline með dósapoka tar til að einhver góðhjartaður maður bjargaði henni.
Er tað einhver ný starfsmannastefna hjá Reykjavíkurborg að vera með snarbrjálað lið í vinnu? og tá er ég alls ekki að tala um innflytjendurnar!! Er maður í stórhættu í vinnunni?

Hondúrasfílingur

2006-09-15T13:05:00.000Z

Eitthvað hlýt ég að vera óhóflega falleg tessa dagana, tví tað var blístrad á eftir mér tegar ég gekk útúr Bónus áðan með innkaupapokann, tess má geta við kunnuga að ég var ekki í græna jakkanum

Sögur af djamminu

2006-09-14T18:12:00.000Z

Á laugardagskvöld fór ég mjög edrú á djammið, ólíkt kvöldinu áður, en við skulum EKKI ræða tað hér (smá mórall í gangi). ó mæ god, tað var greinilega eitthvað í gangi í tengslum við fullt tungl!!!! Við Guðný fórum á Celtic (já Guðný stef í heimsókn)og saman safnið af rugludöllum sem við hittum. t.d. hitti ég hjúkkuna Hrund, sem ég hef by the way aldrei séð áður. Já hún Hrund varð bara svo ástfangin af mé að ég ætlaði bara alls ekki að losna við hana, og tó vildi hún ekki meina að hún væri lessa. Sem betur fer hef ég lært tað í aðhlynningunni að losna við fólk á sem kurteysislegastann hátt og sagði tví "jæja, Hrund mín tað var nú gaman að tala við tig" tegar hún var búin að dást að mér í klukkutíma, að mér fannst.
Ja hún Hrund var nú ekki fyrr búin að láta sig hverfa tegar tad birtist strákahópur sem tilkynnti okkur Guðnýju að teir væru að fara, ekki veit ég alveg hvers vegna tví við höfðum ekkert verið að tala við tá, en tilkynntu okkur að einn teirra væri bróðir Ágústu Evu (Sylvíu Nætur).
Tá birtist vinur Magnúsar sem turfti endilega að fá símann lánaðann hjá Guðnýju til að hringja í japönsku konuna sína, til að fá símanúmer hjá vini sínum. Guðný var hálft kvöldið að svara sms frá honum Magnúsi, sem hún hafði aldrei hitt.
Síðan voru víst einhverjir gæjar sem buðu Guðnýju í threesome, en hún aftakkaði pent sem er mjög eðlilegt tar sem teir höfðu tjáð henni að teir væru báðir giftir og síðan var boðið ekki alveg hennar tebolli.
Síðast tegar ég frétti af henni Hrund var hún einmitt vinaleg með öðrum threesome gæjanum.
Maður ætti kannski að hugsa sig um áður en maður fer á djammið á fullutungli.

2006-09-01T09:45:00.000Z

hvað þarf síminn minn að vera ónýtur til að ég megi frá mér nýjann?

2006-08-27T18:00:00.000Z

Ég lenti fríkí samtali við einn samkennara minna í grillpartýi á fimmtudagskvöld. Þá hafði hún frétt að hún Svanlaug væri að byrja kenna í skólanum. Fréttirnar bárust reyndar af mjög furðulegum stað, af leikskóla sonar hennar........!!!! Ég auðvitað varð bara eins og spurningarmerki í framan,,,,Eina manneskjan sem hélt að ég þekkti sem hefur eitthvað með leikskóla að gera....var hún Lilja...og sennilega er hún ekki mikið að blaðra um mig...og mín atvinnumál....því ekki er víst að maður megi vita hvar hún er að vinna þessa stundina (marta skilur hvað ég meina, er það ekki?)
Jæja uppúr dúrnum kemur svo að hann Dóri er að kenna á þessum leikskóla. Reyndar finnst mér mjög dularfullt hvernig hann hefur frétt þetta því ekki hef ég hitt hann síðan....ja....síðan.....ég hitti hann í dyrunum á Celtic, ég held það hafi verið á kosningavökunni.
Ég á mér greinilega athyglisverðara líf en ég geri mér grein fyrir, þó hef ég ekki farið á djammið í Reykjavik, síðan ég kom heim frá Tenerife, nema einu sinni edrú, þetta fólk þarf nefnilega alltaf að fara eða gera eitthvað þegar ég hef ekki tíma, ja eða þarf að mæta í vinnu kl.8. já svo fór ég á djammið á Húsó

Síðan er það þetta djamm á fólki sem rífur svefnfrið minn, í fyrrakvöld, n.b. á fimmtudagskvöldi, hringdi Marta í mig eftir miðnætti því hún hafði hitt bróður minn á Bauknum og ég þurfti endilega að vita það. Og það var ekki nóg að ég léti hringja út einu sinni svo hún léti mig í friði, heldur hringdi hún aftur, ég náttúrulega neyddist til að fara á fætur og sækja símann í hleðslu, því ég hafði áhyggjur af að eitthvað hefði gerst.
Síðan fékk ég sms frá honum bróður minum í nótt, sem enn var lentur á djamminu, og fréttir herma að hann sé að fara aftur í kvöld....

Ég er búin að vera ein heima í rúmlega viku núna og líkar svona bara þokkalega, þó erfitt hafi það verið þegar ég þurfti ekki að mæta í vinnu, þá var slæmt að Ásta þyrfti endilega að vera í útlöndum og ég þurfti að horfa á Rockstar alein heima hjá mér, það reyndar hvarflaði að mér að fara og banka upp á á Barónsstígnum, en það hefði bara verið kvikindiskapur...aðillinn sem býr þar var ofboðslega feiminn að þurfa fara með mér í lyftu niður 3 hæðir um daginn, greinilegt að sumir mundu eftir því hvað þeir sögðu á djamminu helginni áður....og kvikindið sem ég er hefur náttúrulega bara lúmskt gaman af því.

En hafið ekki áhyggjur þið megið alveg tala um mig eins og þið viljið, bara svo lengi sem þið vitið að það sem þið eruð að segja um mig er rétt. :)

hæ

2006-08-22T07:59:00.000Z

Fyrsti dagur í skólanum búinn, gekk vel, er enn að reyna koma bloggi inn sem ég skrifaði á föstudag, held að tölvan mín sé vangefin, kannski lagar Helgi minn þetta þegar hann kemur til mín

Mig dreymdi....

2006-08-18T14:42:00.000Z

Í nótt dreymdi mig að ég hitti Kristínu Péturs, bekkjarsystur mína, bambólétta á fylliríi í lyftu. Þetta var mjög skrýtið allt saman, reyndar man ég nú ekki alveg hvernig stóð á því að ég hitti hana þarna, en ég man bara hvað ég var hissa á þessu öllu saman, og sérstaklega á því hvað maðurinn hennar var hryllilega ómyndarlegur (að mínu mati).
Hvað ætli draumráðendum þyki um þetta?

Mig langar sko ekki í svona ís!!!!!!

2006-08-15T21:12:00.000Z

Þykir þetta nú orðið smekklegt í henni Asíu, að asíubúum ólöstuðum, þá er þetta viðbjóður. Og hvað er að þér Jóna að vera senda mér svona ljótar myndir???? Ég er hætt að geta borðað ís úr vél..... kannski ekki alveg en ég hefði pottþétt ekki list á svona ís!!!!

Jæja þá er sumarfríinu lokið.
Það er helst að frétta:
-að ég er komin heim frá Tenerife, fyrir svona mánuði síðan
-að ég er búin að ráða mig í nýja vinnu, í spænskukennslu.
-að Marta er að flytja frá mér og Helgi bróðir að flytja inn.
-að ég er bráðum að fara kaupa mér eldhúsborð...af því mig vantar slíkt

heyrumst seinna

2006-06-20T23:43:00.000Z

Ránið

Bollywoodmyndir

2006-06-20T11:57:00.000Z

Þetta er ég búin að vera föndra við:

Gleraugun
Símtalið
Fermingarfötin
S&R reyndar var það Marta sem föndraði þetta, vona að henni sé sama

2006-06-12T12:48:00.000Z

Æ ferlega er maður orðinn latur við að blogga....og hringja í fólk og svoleiðis

Nýjustu fréttir eru þær að ég er að fara til Tenerife 29. jun, þ.e. ef ég druslast fram úr rúminu og úr náttfötunum til að borga ferðina áður en ég fer í vinnunna

Við Marta fundum fötin hennar á Laugarveginum i gær.....í Rauðakrossversluninni, Marta heldur því fram að þessum æðisgengna græna kjól sem við sáum í glugganum þar hafi verið stolið af snúrunni hjá henni. (Smá djók, það stendur nefnilega "fötin þín" á glugganum, sem mér þykir reyndar mjög heimskulegt og kjólinn var svo ljótur, svona svipaður að lit og indjánabúningurinn sem ég var í á öskudag '84 eða '85, svona fyrir þá sem þekkja til, grunur leikur einnig á að kjólinn sé úr sama efni, þ.e. joggingefni)

Annars lentum við á djamminu á laugardagskvöldið og hittum fullt af húsvíkingum, og skemmtilegu tegundina þar að auki......þ.e. ekki tegundina sem maður felur sig fyrir, þið vitið tegundina sem líkleg er til að rjúka heim til Húsavíkur og segja "Guð...ég sá hana svanlaugu bregða fyrir þarna á þessum bar þarna og mér sýndist hún bara hafa bætt á sig 0,5 kg!!!!"

misskilningur

2006-06-03T10:03:00.000Z

Það lá við að ég skellti uppúr þegar ég fékk eftir farandi e-mail:
PERIODICO

Estimado entusiasta del deporte:

Ya puedes consultar gratis online
el periodico de todos los deportes
Corredores, Aventura, Viajes, y mucho mas..

Deporte6AM

Dagblað

Kæri íþróttaunnandi:

Nú geturðu fylgst með öllum íþróttum ókeypis á netinu
Nautaati, ævintýrum, ferðum og mörgu fleira

Ein spurning: Hvenær fór ég að teljast til íþróttaunnenda?

veik heima

2006-05-31T12:12:00.000Z

Það dugar ekkert minna heldur en að mín verði veik til að mín nenni að blogga. Já, þetta er annar dagurinn sem mín meikar ekki í vinnuna fyrir hornös, hálsbólgu, hita og beinverkjum.

Annars er alveg fullt búið að gerast síðan síðast, Guðný stef búin að koma í heimsókn, Finnar búnir að vinna júró, ég er örugglega búin að fara svona 3svar á djammið, og alltaf að Celtic. Enda er maður farinn að kannast við starfsfólkið.....reyndar þekkti ég það nú fyrir......Dóri var nú að skjóta einhverju á mig þarna síðast þegar ég fór um dyrnar.....ég veit ekki hvað hann meinti....sennilega eitthvað í sambandi við að ég var í för með Hafliða og Gunna......Það var búið að fara með Ástu heim og ég ein eftir með vinum Baldvins, og Gunni uppástóð að við þyrftum að fara á Pravda, ég ætlaði nú að koma honum á séns (ekki með mér!!!) og síðan ætlaði ég að passa að Hafliði færi einn heim (kannski ekki mitt mál en..) En svo þegar við komum á Pravda voru bara karlmenn á staðnum, ja svona 80-90%, þannig að Gunni lenti ekki á séns það kvöldið.

Það sem manni er ekki boðið upp á

2006-05-12T22:48:00.000Z

Það er ekkert skrýtið þótt fólk liggji í áfengisdái hérna á Íslandi heilu og hálfu helgarnar, guð minn góður. Ekki er sjónvarpsdagskráin svo beisin, maður þarf alla vegna nokkur glös áður en maður getur farið að njóta hennar. Það sem einna helst er í boði er ofbeldi, klám eða limalaust fólk. Ástandið er sko svo slæmt þegar Marta situr inni í stofu og horfir á Omega, sér til skemmtunar. Það er bara allt leiðinlegt sem manni er boðið upp á, nema One tree hill, auðvitað. Þið getið rétt ímyndað ykkur að það sé svart þegar maður er farinn að íhuga að horfa á fransk/bandaríska sjónvarpsmynd um kínverskann lögreglumann í París sem er svikinn og vændiskona kemur til bjargar.(ofbeldi+klám=frábært)
Dæmi um það sem boðið hefur verið uppá í kvöld:
Stargate SG-1, svona starwarsdót
Þessi mynd þarna um kínverjann
bítófen 40
stelpa með engar fætur og engar hendur að synda....
Afhverju er ekkert í sjónvarpinu sem mig langar að sjá, þegar ég hef tíma

2006-05-07T21:23:00.000Z

Ein spurning. Er þessi sætur?

Rán í strætó

2006-04-30T13:08:00.001Z

Farþegar og ökumaður strætó í San Pedro Sula (mínum heimabæ)voru rænd rétt fyrir utan El Carmen. Tveir vandræðaunglingar stigu upp í vagninn rétt eins og um venjulegt fólk væri að ræða, síðan réðust þeir á vagnstjórann og þar á eftir á hina farþegana. Sumir hverjir sem í vagninum voru misstu allt sem þeir höfðu á sér, þar á meðal mánaðarlaunin sem höfðu einmitt verið útborguð þennann dag. Hringt var í lögreglu eftir að atburðurinn átti sér stað og kom einn lögreglumaður á vettfang, ekkert bruðl þar á bæ.
mynd tekin af www.laprensahn.com

Slökkvuliðið mótmælir lágum launum

2006-04-28T11:36:00.000Z

Slökkvuliðsmenn í A Corunya í Gallisíu vekja athygli á lágum launum sínum....(ein mynd segir meira en þúsund orð) Ætli þessi segi að slökkvulismenn séu á svo lágum launum að þeir séu hættir að hafa efni á fötum......vona ekki

mynd fengin að láni hjá www.elpais.es

Sól, sól og sumar

2006-04-28T11:06:00.000Z

Jæja núna er ég búin að labba út í búð í dag (já og sigrún, ég villtist ekki), það er svona ekta vor-sumarveður, sól, logn, og þó nokkuð hlýtt, og svona einhverskonar iðnaðarmenn að dúlla sér úti á götu, bara svona rétt til að undirstrika að það er komið sumar.

Annars er lítið að frétta. Nema, íbúðin "mín" er búin að vera reyklaus í að verða tvær vikur, það er mjög ljúft að anda að sér svona fjallalofti (ja, eins hreint og það getur orðið hér í vesturbænum) á morgnana, í stað reykingarsvælunar.....sem mér þykir sífellt ógeðslegri.

Jæja ég ætla að fara hitta Ástu núna, hana hef ég ekki séð síðan á Páskunum

2006-04-25T14:20:00.000Z

ba-ritgerðin versnar bara, styttist bara, og ég hata hana alltaf meira og meira....er u.þ.b. við það að fara með hana út í garð til að annað hvort grafa hana eða kveikja í henni,jæja gott fólk, hvort á ég að gera???? Það er orðið deginum ljósara að ég KANN EKKI að skrifa ritgerð!!!!

Djamm í gærkveldi

2006-04-23T12:23:00.000Z

Skilti: eingöngu ljóshært fólk má koma hérna inn
Húsvíkingar og semihúsvíkingar: Gunna úr Bláhvammi, Haukur "vælukjói", Marta náttúrulega, Finninn sem var með Hildu Kristjáns, bara ótrúlega fáir húsvíkingar í þetta skiptið, guði sé lof

Ellikerling færist yfir

2006-04-22T20:01:00.000Z

Já ég held hún ellikerling sé að færast yfir mig, hugsið ykkur, ég var sofnuð fyrir miðnætti í gærkvöldi, á föstudagskvöldi!!!!! og svo þurfti ég að leggja mig í dag, ég var svo þreytt.

Hef ekki enn komist að hver þessi dularfulli stokker minn er. Vitið þið það?

Hræddur flýr þó enginn elti

2006-04-21T14:23:00.000Z

Það var nú málshátturinn í egginu þetta árið, held að ég hafi fengið vitlaust egg....
Annars fékk ég nú reyndar tvö......þið getið ekki ímyndað ykkur hvað móður minni þóttu það athyglisverðar upplýsingar.......og varð fyrir miklum vonbrygðum þegar hún heyrði að vinnan hefði gefið mér það....

Annars er lítið í fréttum, nema það að ég held að það sé verið að stokkera mig. Siðast liðnar tvær vikur er ég búin að vera að fá dularfull sms úr óþekktu númeri......og eitt af netinu, sem reynar vakti spurningar af minni hálfu....."ég er bara strax farinn að sakna þín, sjáumst þegar þú kemur aftur......" (Kem aftur hvert?)( sent fyrir 11 að morgni til, laugardaginn 10.apríl), síðan hafa þetta nú bara verið gleðilega páska og gleðilegt sumar sms. Ef einhver með óskráð vodafone-númer hefur verið að senda mér skilaboð er sá hinn sami vinsamlegast beðinn að hætta, eða gefa sig fram...þetta er farið að vera frekar óþægilegt!!!!

-Hvað eru margar ábætur?

2006-04-10T11:15:00.000Z

Hitti Hildu mína í dag og fór með hana á flugvöllinn í vatnsmýrinni. gaman gaman
þar átti hún líka þennann frábæra frasa "- hvað eru margar ábætur?" þegar hún ætlaði spyrja hvað hún gæti fengið oft ábót á kaffibollann, sem by the way kostar 220kr stykkið!!!! En sem betur fer er hægt að fá endalausar ábætur á kaffibollann, og samt er þetta RÁn!!!! En frasinn hennar var nú alveg sérstaklega fyndinn af því að hún var einmitt búin að spyrja mig hvernig hún ætti að spyrja að þessu, og "-Hvað eru margar ábætur?" voru einn möguleikinn sem við vorum búnar að velta fyrir okkur og ákveða að væri ógáfulegur.
Hún Hilda er nú alger perla (og henni er fyrirgefið fyrir að vera svoltið bjöguð afþví hún býr í útlandinu), þær eru það allar frænkur mínar, og Herdís líka sem deilir einhverju með manni með uffsiloni (Y)=deyla

Krísa gærdagsins liðin hjá....bara af því að mér var gefið leyfi til að kjafta (ég kalla þetta húsvísku slúðurgenin)

kveðja
Lauga ekki svo mikil blaðurskjóða eftir allt saman

Leyndó

2006-04-09T15:53:00.000Z

já svona er það þegar maður er að reyna að læra smá.......búin að setja í þvottavél, og nú byrjuð að blogga engin er eirðin, hringja í Ástu, það sama uppi á teningnum þar á bæ.....dauð klæjaði í tunguna að kjafta í hana leyndarmáli.....kjafta því bara í Hildu í fyrramálið.(þá get ég sagt að ég hafi endst tvo daga :)) Þetta var sko furðuleg símtal, hugsa að ég hafi ekki heyrt helminginn af því sem Ásta var að segja mér bara af því að ég var að leita af fullt af öðrum hlutum til að segja Ástu í stað LEYNDARMÁLSINS...
Hvað er annars með leyndarmál......afhverju langar mann svona rosalega að kjafta?
Þetta er meir'að segja eitthvað svo nauða ómerkilegt að ég hreinlega skil ekki afhverju þetta þarf að vera leyndarmál !!!!!
Segi ég bara af því að mig klæjar svo í tunguna.....
Kveðja
Lauga blaðurskjóða

ég verð vist að fara fá mér víðar nærbuxur

2006-04-08T17:26:00.000Z

How Will I Die Quiz

You will die at the age of 86

You will die when your underwear gets to tight and cuts off your blood circulation

Find out how you will die at Quizopolis.com

"jii"

2006-04-05T11:42:00.000Z

Það var einmitt það sem hrökk uppúr mér þegar ég var u.þ.b. að standa upp úr stólnum á hárgreiðslustofunni. (það hafði samt ekkert við strípurnar og klippinguna að gera). Ég var búin að vera að hlusta á tvær vinkonur tala saman, sem höfðu greinilega panntað sér saman tíma í klippingu (alltaf gaman saman). Ég veit ekki hvað svona kvendi kallast en "gelgjur á þrítugsaldri"kemur upp í hugan........ Kærasti þessarrar háu dökkhærðu hafði boðið henni og 6 ára syni hennar til útlanda yfir páskana....síðan var hann eitthvað farinn að draga til baka með það, vegna þess hversu dýrt það er og fór fram á að hún borgaði hluta........Síðan kom heil ræða um hvað þessi kærasti væri ömurlegur og la la la.........og litla ljóshærða vinkona hennar hlustaði alltaf á og tók þátt í þessu.........endalaus ræða um ömurlegleika kærastans......Og ekki komst ég hjá því að heyra þessa ræðu....Þetta var orðið svo rosalegt baktal að ég er bara enn miður mín...Síðan þegar ég stend upp úr stólnum heyri ég að sú litla ljóshærða segir "þú átt ömurlegasta kærasta ever" þá var mér allri lokið og þetta "jii" hrökk uppúr mér. Guð, hvað mér langaði að spyrja hvað hún væri að gera með þessum strák sem væri greinilega væri svo ömurlegur..............

2006-03-31T16:24:00.000Z

Það tilkynnist hér með að ég er búin að prjóna peysuna á hana Þórdísi, og hún er ekki komin í háskóla ennþá (það var einhver sem sagði við mig að hún yrði komin í háskóla áður en ég kláraði)........En samt er ég svoltið hrædd um að peysan sé of lítil....uppskriftin er fyrir 3-6 mánaða en peysan er bara svo lítil að ég get ekki ímyndað mér að nokkur komist í hana....fer á morgunn og kaupi tölur í hana........helst bleikar

2006-03-31T16:17:00.000Z

Ég rak augun í þetta á mbl.is áðan

"Samkvæmt spá Greiningardeildar KB banka mun fasteignaverð hækka um 5% á næstu fjórum ársfjórðungum."

En þar sem ég er ekki með mjög góðan fjármálaorðaforða í íslensku velti ég fyrir mér hvort "fjórir ársfjórðungar" séu ekki það sama og "eitt ár", getur einhver svarað því? (og hví er þá ekki bara sagt eitt ár?)